Bloemhofbond

Die Bloemhofbond bly trots verbind aan ons Old Girls – ’n dinamiese netwerk van vroue wat wêreldwyd hul merk maak.

Soos oudleerders die wêreld betree, loopbane bou en nuwe lewenshoofstukke begin, raak dit meer uitdagend om kontak te behou – veral wanneer nooiensvanne verander.

Ons moedig jou aan om ’n lid van die Bloemhofbond te word waar jy weer kan skakel met mede-oudleerders en deel bly van die Bloemhof-gemeenskap.

Missie en visie

Ons missie is om ’n lewende, inklusiewe en trotse Bloemhof-gemeenskap te groei waar alumni oor generasies heen verbind bly en mekaar asook die Hoër Meisieskool Bloemhof ondersteun om volhoubare waarde te skep vir die toekoms.

Ons visie is om ‘n aktiewe en florerende bond van oud-Bloemhoffers en vriende van Bloemhof te bou.

Ons doelwitte sluit in:

1. Netwerk & gemeenskap

Ons skep platforms en geleenthede waar die Bloemhof-gemeenskap mekaar kan ontmoet, ondersteun en saam groei.

2. Tradisie & erfenis

Ons koester en bou voort aan Bloemhof se kultuur, geskiedenis en erfenis sodat dit ’n bron van trots en inspirasie bly.

3. Skool ondersteuning

Ons bied befondsing, mentorskap en ondersteuning om ’n positiewe verskil in die lewe van huidige en toekomstige Bloemhoffers te maak.

Raak betrokke

Ons gebruik Alumnet waar die gebeure aan ons oud-leerders gekommunikeer word. Registreer en/of hersien jou besonderhede by Alumnet sodat jy maklik in verbinding kan bly en op hoogte kan wees van nuus, reünies en spesiale geleenthede:

Lidmaatskap

Lewenslid: R1500
Jaarlikse ledegeld: R300

Deur jou ledegeld te betaal, stel jy ons in staat om voort te bou op ons doelwitte.

Bankbesonderhede

Investec Bank
Rekening nr: 40005075095
Takkode: 580105
Verwysing: Naam, van en matriekjaar
Bewys van betaling: bloemhofbond@hmsbloemhof.co.za

Bloemhofbond Dagbestuur

  • Barbara-Jeanne Slazus

    Voorsitter
    (Hoofdogter, 2004)

  • Jean Rossouw

    Ondervoorsitter
    (Carinus, 1994)

  • Liesl Visser

    Tesourier (Matriek 2004)

  • Ronél Sperling

    Sekretaresse en skakelbeampte

Sosiale media en nuusflitse

Ons nooi jou uit om die Bloemhofbond se sosiale media platforms gereeld te besoek. Deel jou sienings, lewer insette soos foto’s, nuus en stories en neem deel aan aktiwiteite en gesprekke.

Volg ons op Instagram:
Gesels saam op Facebook