Waar die toekoms gebeur

Waar die toekoms gebeur

Welkom by die Hoër Meisieskool Bloemhof – die oudste Afrikaansmedium hoërskool vir dogters in Suid-Afrika. Bloemhof, geleë langs Stellenbosch se Eersterivier, is bekend vir akademiese uitnemendheid en wil sien dat elke Bloemhoffer haar volle potensiaal ontdek en ontwikkel.

Van 1875 tot nou: Semper Fidelis! Altyd Getrou!

Van 1875 tot nou: Semper Fidelis!
Altyd Getrou!

Ons Opedag is 12 Februarie 2026

HMS Bloemhof Oorsig

  • Akademie

    Bloemhof is sinoniem met uitmuntende akademiese uitslae en leerders wat die gaping tussen skool en universiteit met gemak oorbrug. Punte is nie belangrik nie, maar potensiaal is.

  • Sport

    Hoë prestasie sport, professionele afrigters en wêreldklas fasiliteite dra daartoe by dat ons leerders teen die bestes in SA kan kompeteer.

  • Kultuur

    Ons bied ’n wye verskeidenheid kultuuraktiwiteite aan wat sosiale vaardighede slyp en gereeld op nasionale vlak blootstelling geniet.

  • Gemeenskap

    Bloemhof is ’n omgee-skool, en deur verskeie klubs bou ons nie net aan ’n gesonde gemeenskap binne ons skool nie, maar bly ons sosiaal verantwoordbaar teenoor die groter gemeenskap, deur uitreike, insamelings en ander projekte.

1875

die jaar waarin
ons open

714

dogters in
ons skool

150

jaar van
genade

77,1

Die NSS-graadgemiddeld
in 2024

70

toegewyde
personeellede

49

entoesiastiese
opvoeders

14

skoolhoofde
sedert 1875

8

amptelike
sportsoorte

5

waardes wat
ons pad bepaal

3,82

aantal A’s per NSS-
kandidaat in 2024

(die hoogste in SA!)

1875

die jaar waarin
ons open

714

dogters in
ons skool

150

jaar van
genade

77,1

Die NSS-graadgemiddeld
in 2024

70

toegewyde
personeellede

49

entoesiastiese
opvoeders

14

skoolhoofde
sedert 1875

8

amptelike
sportsoorte

5

waardes wat
ons pad bepaal

3,82

aantal A’s per NSS-
kandidaat in 2024

(die hoogste in SA!)

WAAROM Bloemhof?

Trots Afrikaans

Ons glo in moedertaalonderrig.

Onderrig in Bloemhof geskied in Afrikaans, want leerders wat in hul moedertaal onderrig word, ontwikkel die nodige vaardighede om ook op universiteit te presteer, al is die onderrigmedium daar oorwegend Engels.

Daar word baie klem op die aanleer van kritiese denkvaardighede gelê, want leerders word voorberei vir ’n wêreld waar probleemoplossing net so belangrik soos vakkennis is.

Meisies met Meriete

Ons is ’n enkelgeslagskool.

Goeie dissipline in ons klaskamers beteken dat leerders vinnig en doeltreffend werk en as enkelgeslagskool is die meisies gemaklik om in mekaar se teenwoordigheid op skoolwerk te fokus.

Daar is vir meisies meer leierskapgeleenthede in enkelgeslagskole en, sonder die sosiale afleiding wat seuns soms bied, is dogters geneig om akademiese beter te vaar – veral in STEM-vakke (science, technology, engineering, mathematics) wat tradisioneel as “manlik” beskou is.

In die afgelope dekade was enkelgeslagskole steeds in die meerderheid van die top 20 skole in die Wes-Kaap en navorsing.

Pret is Prioriteit

Ons weet skool kan ook lekker wees!

“Skool” en “lekker” gaan nie altyd saam nie, maar om pret te hê, is een van Bloemhof se strategiese doelwitte. Verskeie prettige aktiwiteite word deur die leerders beplan en bestuur en dra daartoe by dat leerders eendag met heimwee kan terugdink aan hulle skooldae.

Oor die jare het verskeie tradisies ontwikkel wat daartoe bydra dat Bloemhof vol hoogtepunte is: 4M, BloemRoos, Interskole teen Oranje… En op jou verjaarsdag mag jy boonop gewone klere aantrek en met blomme en koek deur jou maats bederf word.

Waar Waardes Wys

Ons leer vir die lewe, nie net vir die eksamens nie.

Bloemhoffers berei tussen graad 8 en 12 nie net vir die NSS-eksamen voor nie, maar ook vir die lewe. Waardes vorm die wysnaald waarop ons ons lewens rig.

Ons is ’n waardegedrewe skool en moedig ons leerders aan om met respek, afgerondheid en integriteit die lewe aan te pak, altyd goeie werksetiek te handhaaf en vir mekaar, vir ander mense en vir die omgewing om te gee.

Potensiaal bo prestasie

Ons is nie ’n prestasiegedrewe skool nie.

Dit klink teenstrydig – Bloemhof is immers een van die topskole in Suid-Afrika – maar by Bloemhof is prestasie nie ons uitgangspunt nie. Vir ons is potensiaal belangriker.

Dát Bloemhoffers presteer, is danksy die kombinasie van waardegedrewe leerders wat hul kant bring, toegewyde en kundige opvoeders wat leerders help om kritiese denkvaardighede te ontwikkel en hoogbekwame afrigters wat leerders se potensiaal raaksien en hulle help om dit te ontwikkel.

BLOEMHOF OPEDAG

Wil jy sien waarom HMSB só spesiaal is?

Ons Opedag bied die geleentheid om ons skool in Kochstraat, Stellenbosch te besoek en te sien wat ons alles bied.

Meer oor HMSB

By Bloemhof bou ons voort op die fondasie wat ds. Johannes Neethling en prof. Nicolaas Hofmeyer in 1875 gelê het.

Skoolhoof

Me. Maré Bosch is HMSB se 14de skoolhoof. Sy het in Januarie 2025 by ons aangesluit.

Visie

Ons visie is om gelukkige mense te sien wat hulle potensiaal in ’n aangename, doeltreffende en volhoubare omgewing kan ontdek en ontwikkel.

Semper fidelis

Bloemhof se leuse is “Semper Fidelis” – Latyns vir “altyd getrou”. Dit staan sentraal in ons skoolwapen, wat self ryk aan simboliek is.

In hul eie woorde

By Bloemhof kry jy geleenthede sonder om daarvoor te moet soek – jy hoef net jou hand uit te steek en op te daag. Die leiding wat ek in hierdie gange gekry het, het my die mens gemaak wat ek vandag is.

Lida de la Bat (née Malherbe)

Matriek 2013

Om elke dag in hierdie bekende gange te stap, is vir my vandag as Bloemhof-onderwyser ’n groot voorreg. Die liefde en aanvaardig wat ek as Bloemhoffer ervaar het, kan ek nou elke dag teruggee.

Mieke Matthee

Matriek 2020 en daardie jaar se hoofdogter

My boodskap aan elke Bloemhoffer: Kry vir jou ’n plek waar jy kan blom, daar waar jy ’n verskil kan maak. Laat dan daar jou unieke lig skyn. Jy hoef nie eerste te wees nie, net die beste jy te wees. Dit sal jou kry waar jy wil wees.

Mariza Lubbe (née Barnard)

Matriek 1988 en die eerste ontvanger van die Bloemhofbondprys

Is Bloemhof die beste skool vir my?

Jy het vrae. Ons het antwoorde.

In die nuus

Bloemhof Brokkies

08/2025

Die derde kwartaal het met ’n spoed begin en ons spog (uiteindelik!) met talle hoogtepunte: Debat en redenaars, mej. Feesjaar, leerderleiers, en al die sportuitslae van die Julie-vakansie.

Bloemhof Brokkies

07/2025

Wonderlike netbalnuus, ons gesels met Mej. Feesjaar-finaliste, en ons vier juffrou Bosch se eerste Bloemhof-verjaarsdag. Dít en meer in hierdie uitgawe van die Bloemhof Brokkies.

Bloemhof Brokkies

06/2025

Die graad 9-ekspo is hierdie week onder die vergrootglas. Ons berig oor die koor se eerste Eidsteddfod-optrede, ons hokkiespelers wat Bolandspanne haal en vele meer.

Bloemhof Brokkies

05/2025

Die nasionale All Girls’ Festival het plaasgevind en dit was ’n fees der feeste! Ons loer ook in dié uitgawe in by die nuwe gesigte in die sportkantoor en daar is weer baie sportnuus.

Bloemhof Brokkies

04/2025

Die Wintersportseisoen het begin, Bloemhof vier Paasfees, die graad 12’s hou daslas en méér in hierdie uitgawe van ons nuusbrief.

Wil jy ’n Bloemhoffer word?

As jy dink die HMS Bloemhof is die hoërskool vir jou, doen gerus aansoek!