Klub Fidelis is ’n ondersteunersklub vir ouers, oud-leerders, personeel, vriende en sakevennote wat ’n liefde vir Hoër Meisieskool Bloemhof deel. Die naam Fidelis beteken “getrou” en weerspieël die gees van lojaliteit, trots en betrokkenheid wat die klub kenmerk.
Die klub versterk verhoudings binne die Bloemhof-familie, ondersteun die skool se groei en help om haar nalatenskap van uitnemendheid verder uit te bou.
Deur fondsinsameling, gemeenskapsinisiatiewe en strategiese ondersteuning dra Klub Fidelis by tot die ontwikkeling van Bloemhof se akademiese, sport- en kultuuraanbod, ten bate van huidige én toekomstige geslagte Bloemhoffers.
Klub Fidelis is meer as ’n lidmaatskap.
Dit is ’n belegging in Bloemhof se toekoms.